தன் வாழ்க்கையே, தன் செய்தி என வாழ்ந்து காட்டிய காந்திக்குத்தான் நான் B டீம், என மக்கள் நீதி மய்யத்தின் தலைவர் நடிகர் கமல்ஹாசன் தெரிவித்துள்ளார்.
இதுகுறித்து அவர் தனது டிவிட்டர் பக்கத்தில், தன் வாழ்க்கையே, தன் செய்தி என வாழ்ந்து காட்டிய காந்திக்குத்தான் நான் B டீம். ஆறு வயதிலிருந்தே நான் A டீம் என்பதை A1 ஊழல் புத்திரர்களுக்கு உறைக்கும்படி சொல்கிறேன்.
அறத்தின் பக்கம் நிற்பவனைப் பார்த்து சங்கி, B டீம் என்கிறவர்களின் நோக்கம் ஊழலைப் போற்றுவது. வாழ்நாள் முழுக்க தமிழகத்தைச் சுரண்டித் தின்பவர்கள், ஊழல் தொழிலுக்கு ஆபத்து வருகையில் ஒன்றிணைந்து கொள்வதில் ஆச்சர்யமில்லை. திஹாரையும் பரப்பன அக்ரஹாரத்தையும் நிரப்பினவர்கள் அல்லவா?, எனத் அதில் தெரிவித்துள்ளார்.
சூரப்பாவுக்கு ஆதரவாக பேசி வீடியோ வெளியிட்டுள்ளதன் எதிரொலியாக, அதிமுக, திமுக உள்ளிட்ட கட்சிகளுடன், பல்வேறு அமைப்புகளும் கமல்ஹாசனுக்கு எதிராக கருத்துகளைப் பதிவு செய்தது. இதற்கு எதிர்வினையாற்றும் விதமாகவே கமல்ஹாசன் பெரும் கொந்தளிப்பு குமுறலுடன் பதிலளித்துள்ளார்.
