கனடா நாட்டில் விழுந்து நொறுங்கிய ஹெலிகொப்டர் – ஒரே குடும்பத்தைச் சேர்ந்த நான்குபேர் பலி!!!

கனடா நாட்டின் மேற்கு மாகாணமான ஆல்பர்ட்டாவில் ஏற்பட்ட ஹெலிகொப்டர் விமான விபத்தில் ஒரே குடும்பத்தைச் சேர்ந்த நான்குபேர் உயிரிழந்துள்ளதாக கனடா ஊடகங்கள் செய்தி வெளியிட்டுள்ளன.

கிராண்டே ப்ரைரி நகரிலிருந்து 100 கிலோமீட்டர் தொலைவில், ராபின்சன் ஆர் 44 என்ற ஹெலிகொப்டர் விமானம் நேற்று விபத்துக்குள்ளாகியது. விபத்தில் இரண்டு பெரியவர்களும், இரு குழந்தைகளும் அதில் உயிரிழந்திருப்பதாகவும் மேலும் அவர்கள் ஒரே குடும்பத்தைச் சேர்ந்தவர்கள் என்பதும் காவல் அதிகாரிகளின் விசாரணையில் உறுதிப்படுத்தப்பட்டுள்ளது

ஹெலிகொப்டர் விமான விபத்துக்கான காரணம் இதுவரை கண்டறியப்படவில்லை. இந்த நிலையில் கனடா-வின் போக்குவரத்து பாதுகாப்பு அமைச்சகம், இரண்டுபேர் அடங்கிய குழுவை ஹெலிகொப்டர் விழுந்து நொறுங்கிய இடத்திற்கு அனுப்பி வைத்துள்ளது குறிப்பிடத்தக்கது.